Şən və Hazırcavablar Klubunun “Bakı bulvarı” komandası Rusiya liqasında çıxışına uğurla başlayıb
Bakı, 10 mart, AZƏRTAC
Azərbaycanın daha bir gənc ŞHK komandası - “Bakı bulvarı” Rusiya liqasını fəth edir.
Azərbaycan ŞHK-nın mətbuat xidmətindən AZƏRTAC-a bildiriblər ki, “Bakı bulvarı” komandası Mərkəzi Krasnodar Liqasında çıxışına uğurla başlayıb. Liqanın birinci mərhələsində 14 komanda iştirak edib. Bakı komandası Mərkəzi Krasnodar Liqasının səkkizdəbir finalına çıxmağa nail olub. Yarışa səylə hazırlaşan komanda üzvləri maraqlı oyun nümayiş etdiriblər və nəticə müəyyən məqsəd əldə etməyə çalışan gənc komandanın səylərini doğruldub.
Xatırladaq ki, daha əvvəl “AzNeft” ŞHK komandası (Azərbaycan Dövlət Neft və Sənaye Universiteti) Kursk şəhərinin Mərkəzi Cənub-Qərbi Liqasının ikinci mərhələsinə çıxıb.
Komandaların iştirakı Azərbaycan Gənclər və İdman Nazirliyinin dəstəyi ilə həyata keçirilir.
Bölmənin digər xəbərləri
