Serbiya Prezidenti: Rusiyaya qarşı sanksiya tətbiq etməyəcəyik
Belqrad, 3 fevral, AZƏRTAC
Serbiya Rusiyaya qarşı sanksiya tətbiq etməyəcək, həmçinin Qərblə münasibətləri də korlamayacaq.
AZƏRTAC xəbər verir ki, bunu Serbiya Prezidenti Aleksandar Vuçiç deyib.
Ölkəsini qarşıda çətin bir dövrün gözlədiyini vurğulayan A.Vuçiç bildirib ki, Serbiya danışıqlardan əl çəkməyəcək, Qərblə münasibətləri pozmayacaq və Rusiyaya qarşı sanksiya tətbiq etməyəcək: “Bu vəziyyətlə bağlı həyəcanlı deyiləm, lakin Rusiyaya qarşı sanksiya tətbiq etməsək, nə qədər davam edə biləcəyimizi də bilmirəm”.
Serbiya Prezidenti deyib ki, Qərb dövlətləri Kosovo problemini tez bir zamanda həll etməyə çalışırlar.
Qeyd edək ki, Serbiya-Kosovo probleminin həllinə dair tərəflərə ABŞ və Avropa İttifaqının (Aİ) dəstəklədiyi Fransa-Almaniya Planı təklif olunub.
AZƏRTAC-ın xüsusi müxbiri
Belqrad
Bölmənin digər xəbərləri
