Sərgi: “Heydər Əliyev Fondu – 15”
Bakı, 10 may, AZƏRTAC
Mayın 10-da Milli Kitabxanada “Heydər Əliyev Fondu - 15” adlı kitab sərgisi açılıb.
Kitabxanadan AZƏRTAC-a bildirilib ki, sərgidə Heydər Əliyev Fondu haqqında müxtəlif dillərdə çap olunmuş kitab və dövri mətbuat materialları, həmçinin Fondun dəstəyi ilə nəşr edilmiş kitablar nümayiş edilir.
Sərgi bir həftə davam edəcək.
Qeyd edək ki, Heydər Əliyev Fondu tariximizə müstəqil dövlət qurucusu kimi daxil olmuş Heydər Əliyevin xatirəsinə xalqımızın ehtiramını ifadə etmək arzusundan, onun zəngin mənəvi irsini əks etdirmək, azərbaycançılıq fəlsəfəsinin ölkəmiz üçün əhəmiyyətini vurğulamaq, milli dövlətçilik ideyalarını yeni nəsillərə aşılamaq zərurətindən irəli gələrək yaradılıb.
2004-cü ildən fəaliyyətə başlamış Fond təhsil, səhiyyə, mədəniyyət, idman, elm və texnologiya, ekologiya, sosial və digər sahələrdə müxtəlif layihələr həyata keçirərək yeni cəmiyyət quruculuğunda fəal iştirak edir, ölkənin sosial-iqtisadi inkişafına öz töhfəsini verir.
Bölmənin digər xəbərləri
