DÜNYA
ŞƏRQ ULDUZ FALI
(26 dekabr - 1 yanvar )
OĞLAQLAR yola saldığımız ilin son günlərində bütün cansıxıcı işlərdən və qayğılardan qurtulmaq istəyəcəklər. İşləmək həvəsini əks istək əvəzləyəcəkdir. Lakin sən saydığını say, gör fələk nə sayır. Asudəlik, romantik bir səyahət arzusunda olduğunuz bir vaxtda ofisə qapanıb qalacaqsınız. Üzülməyin. Qarşıdan Yeni il tətili gəlir. Tətil günlərini mütləq sevdiklərinizlə keçirin.
DOLÇALARI karyera yüksəlişi gözləyir. Əmək cəbhəsindəki qələbəniz il boyu gərgin əməyinizin bəhrəsi olacaqdır. Lakin unutmayın ki, işdə ləngimək və ya evə iş götürmək sizə baha başa gələcəkdir. Karyeranız irəlilədiyi halda yaxınlarınızla münasibətləriniz korlana bilər. Sizi kağız-kuğuzla paylaşmaq əsla onların xoşuna getməyəcəkdir.
BALIQLAR bu həftə özlərini böyük müvəffəqiyyətlə işgüzar danışıqlara və maliyyə qurumları ilə işə həsr edə bilərlər. Çox güman, kredit, borc və ya sponsor yardımı alacaqsınız. Bunun sayəsində irəli getmək üçün möhkəm bazanız olacaqdır. Bu həftə idman və yaradıcılıqla məşğul olmaq, əcnəbi dil öyrənmək üçün əlverişlidir. Bu bürcün tənha nümayəndələri, çox güman, yalnız həyatlarına son qoyacaqlar.
QOÇLAR uzun müddətdən sonra bu yeddi gündə ilk dəfə asudə nəfəs ala biləcəklər. Onları qarabaqara izləyən pul problemləri arxa plana keçəcəkdir. Biznesmenlər yeni tərəfdaşlarla imzalanmış müqavilələr hesabına maliyyə durumlarını düzəldəcəklər. Uğurlarınıza şahid olan sevgiliniz sevincinizə şərik olacaqdır.
BUĞALAR yorulub əldən düşməmək üçün, sadəcə, kiçik bir fasilə götürüb dincəlməlidirlər. Bayram ərəfəsində güc toplayıb, sağlamlıq durumunuza diqqət yetirməlisiniz. Səs-küylü gecələrə ara verməli, yaxşıca yatıb yuxunuzu almalısınız. İndi ailə içində olmaq, evin hüzurundan zövq almaq üçün münasib vaxtdır. Yaxınlarınız dincəlməniz üçün hər cür şərait yaradacaqlar.
ƏKİZLƏR çox diqqətli olmalıdırlar. Çox güman, əleyhdarlarınız sizə badalaq gəlmək, uğurunuzu əlinizdən almaq istəyəcəklər. Məyus olmayın, çünki onların öhdəsindən gəlib, vəziyyətdən alnıaçıq-üzüağ çıxa biləcəksiniz. Sizə pislik edənlərə qarşı kin saxlamağın mənası yoxdur. Yaxşısı budur ki, belə davranmalarının səbəbini aydınlaşdırasınız. Bugünkü düşmənin sabah dönüb müttəfiq olacağı istisna deyildir.
XƏRÇƏNGLƏR yeni gəlir mənbələri axtarıb tapmalı, maddi durumlarını pisləşdirməmək üçün xərclərini nəzarətdə saxlamalıdırlar. İşdə ciddiyyətinizi, nizam-intizamınızı, peşəkarlığınızı yüksək qiymətləndirən rəhbərliyin həqiqi tərif obyekti olacaqsınız. Kommersantlar xarici tərəfdaşlarla çoxdan bəri düşündükləri sövdələşməni sonunda imzalayacaqlar.
ŞİRLƏR bu həftəni nüfuzlu adamlarla yeni işgüzar əlaqələrin və münasibətlərin qurulmasına həsr edəcəklər. Bu adamlarla danışıqlar sizə işlərinizi, o cümlədən işlə bağlı problemlərinizi həll etmək imkanı verəcəkdir. Maddi durumunuzu yaxşılaşdıracaq əlavə gəlir istisna deyildir. Daşınmaz əmlak və inşaatla bağlı bütün işləriniz uğur gətirəcəkdir.
QIZLARI başa çatmaqda olan ildə narahat edən bütün məsələlər Yeni il bayramı ərəfəsində həll olunacaqdır. Bu günlər siz yüksək səviyyədə işləmək bacarığı, ixtiraçılıq qabiliyyəti nümayiş etdirəcəksiniz. Dostlar və həmkarlar sizə tay olmağa çalışacaqlar. Vaxtınızı boş yerə sərf etməyin. Bu həftə siz zirvədəsiniz, dağı-dağ üstünə qoymaq iqtidarındasınız.
TƏRƏZİLƏR diqqətli davranmalı, bir çox məsələlərdə dözümlü və səbirli olmalıdırlar. Onda istədiyiniz məqsədə asanlıqla çatacaqsınız. Ətrafdakılar ideya və təkliflərinizi layiqincə qiymətləndirəcəklər. Yaxın günlərdə siz istedadınızla parlayacaqsınız. Peşə vərdişlərindən istifadə edib işdə uğur, yaxınlarınız və dostlarınız arasında layiq olduğunuz hörməti qazanacaqsınız.
ƏQRƏBLƏR ilin son günləri qarşılarına böyük vəzifələr qoyub, yeni bir işin qulpundan yapışmamalıdırlar. Bu məsləhətə qulaq asmasanız həftənin yeddi gününü dəhşətli qaçhaqaçda keçirəcək, çapalaya-çapalaya qalacaqsınız. Ən pisi də budur ki, bütün bunların heç bir səmərəsi olmayacaqdır. Yaxşısı budur ki, builki işlərinizi rahatca həll edib, Yeni ili necə lazımsa elə də qarşılayasınız.
OXATANLARI işlə bağlı bütün məsələlərdə uğur gözləyir. Siz cəsarətlə rəhbərliyin dəstəyinə bel bağlaya bilərsiniz. Nə lazımdırsa, birbaşa yuxarıya müraciət edin. Heç bir xahişinizə rədd cavabı verilməyəcəkdir. Həftə sonuna yaxın evinizlə məşğul olun. Bayrama lap az qalıb. Yolka bəzəməyə macal tapmayanlar mütləq bəzəsinlər, lakin əgər yolka bəzənmişsə, onda bayram hazırlıqlarına başlayın.