Astanada ŞƏT sammitində dünya liderləri iştirak edəcəklər
Astana, 27 iyul, AZƏRTAC
Qazaxıstan müasir beynəlxalq hüququn əsası kimi BMT Nizamnaməsinə əməl edilməsini qətiyyətlə dəstəkləyir.
AZƏRTAC xəbər verir ki, bunu Qazaxıstan Prezidenti Kasım-Jomart Tokayev jurnalistlərlə görüşündə deyib.
“Xarici siyasətimizdə milli maraqlarımızı əsas tuturuq və bütün mübahisəli məsələlərin rasional kompromis əsasında həllini dəstəkləyirik", - deyə Qazaxıstan Prezidenti bildirib.
Bu ilin Qazaxıstan üçün beynəlxalq hadisələrlə zəngin olduğunu diqqətə çatdıran Tokayev əlavə edib: “Gələn həftə Astanada Şanxay Əməkdaşlıq Təşkilatının (ŞƏT) sammiti keçiriləcək. Şübhəsiz ki, bu, son illərin ən vacib yüksək səviyyəli beynəlxalq forumlarından biri olacaq. Sammitdə dünya əhalisinin təxminən yarısını təmsil edən dövlətlərin liderləri və BMT Baş katibi də daxil olmaqla, nüfuzlu beynəlxalq təşkilatların rəhbərləri iştirak edəcəklər”.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
