Tokayev: Qazaxıstanda AES-in tikintisi üzrə referendum payızda keçiriləcək
Astana, 27 iyun, AZƏRTAC
Qazaxıstanda atom elektrik stansiyasının (AES) tikintisi məsələsi üzrə referendum payızda keçiriləcək.
AZƏRTAC-ın məlumatına görə, bu barədə Qazaxıstan Prezidenti Kasım-Jomart Tokayev jurnalistlərlə görüşündə bildirib.
Onun sözlərinə görə, iqtisadi inkişaf sabit enerji təchizatı olmadan mümkün deyil. “Bu səbəbdən, atom elektrik stansiyasının tikintisi məsələsini araşdırmağı tapşırdım”, - deyə dövlət başçısı bildirib.
Tokayev bu məsələnin geniş müzakirə edildiyini və müxtəlif fikirlərin səsləndiyini qeyd edib. “Həqiqətən də ölkədə atom enerjisi sahəsində böyük imkanlar var – onların düzgün və səmərəli istifadəsi vacibdir. Bu məsələ ilə bağlı son qərarı xalq verəcək”, - deyə o əlavə edib.
Elşən Rüstəmov
AZƏRTAC-ın xüsusi müxbiri
Astana
Bölmənin digər xəbərləri
