Səudiyyə Ərəbistanında həcc mövsümündə sərinləşdirici örtüklü yol şəbəkəsi genişləndirilib
Qahirə, 28 may, AZƏRTAC
Səudiyyə Ərəbistanında builki həcc mövsümünə hazırlıq çərçivəsində elastik rezin və isti havada sərinləşdirici örtüyü olan yol şəbəkəsi genişləndirilib.
AZƏRTAC xəbər verir ki, bunu Səudiyyə Ərəbistanının nəqliyyat və logistika xidmətləri naziri Saleh bin Nasir əl-Casir mətbuat konfransında deyib.
Qeyd edilir ki, bu örtüklər yolboyu temperaturu təxminən 12 dərəcə Selsi azalda biləcək. Bundan başqa, diqqətə çatdırılıb ki, builki mövsümdə zəvvarların müqəddəs məkanlara səfərlərini asanlaşdırmaq, yollarda hərəkətə nəzarət etmək üçün pilotsuz uçuş aparatlarından istifadə olunur.
Səudiyyəli nazir əlavə edib ki, builki həcc mövsümündə xaricdən gələn zəvvarların təxminən 94 faizi hava nəqliyyatı ilə daşınır. “Allahın evini ziyarətə gələn zəvvarlara xidmət etmək üçün 45 mindən çox əməkdaş iş başındadır”, - deyə nazir bildirib.
Vurğulanır ki, zəvvarlar üçün, ümumilikdə 2 milyondan çox oturacaq quraşdırılıb. Bu, ötən illə müqayisədə 400 min oturacaq çoxdur.
Şıxəli Əliyev
AZƏRTAC-ın xüsusi müxbiri
Qahirə
Bölmənin digər xəbərləri
