Si Cinpin: Çin və Cənubi Koreya KXDR məsələsində ünsiyyəti gücləndirməlidir
Bakı, 12 mart, AZƏRTAC
Cənubi Koreya və Çin Koreya Xalq Demokratik Respublikası (KXDR) məsələsində ünsiyyəti gücləndirməli, ABŞ və Şimali Koreya liderləri arasında keçirilməsi nəzərdə tutulan görüşün fonunda həssas məsələləri həll etməlidir.
AZƏRTAC Yonhap agentliyinə istinadla xəbər verir ki, bu fikri Çin Xalq Respublikasının Sədri Si Cinpin Koreya Respublikası Prezidentinin milli təhlükəsizlik məsələləri üzrə müşaviri Çunq Euy-yonq ilə görüşdə deyib.
Si Cinpin KXDR mövzusunda danışıqları barədə Çin tərəfini məlumatlandırdığı üçün Cənubi Koreya Prezidentinə təşəkkürünü ifadə edib və bunu iki dövlət arasında ünsiyyətin vacibliyinə verilən əhəmiyyət kimi dəyərləndirib.
Çunq Euy-yonq səfər çərçivəsində Çin Dövlət Şurasının üzvü Yan Cieçi ilə də görüşərək Şimali Koreyanın nüvə məsələsi ilə bağlı davam edən diplomatik səylər barədə danışıb.
Bölmənin digər xəbərləri
