TAİLAND “DÜYÜ OPEK”-İ YARATMAĞI TƏKLİF EDİR
AZƏRTAC xəbər verir ki, dünyanın ən iri düyü ixracçısı Tailand “düyü OPEK”-i yaratmağı təklif edir. Tailand hökumətinin rəsmi nümayəndəsi demişdir ki, Banqok yaxın vaxtlarda Laos, Myanma, Kamboca, Vyetnam ilə müvafiq məsləhətləşmələr aparacaqdır.
Yeni təşkilatın məqsədi dünyada düyü ticarətini tənzimləməkdir. Düyünün qiyməti son 12 ayda 3 dəfə artmışdır. Nəticədə dünya bazarında 1 ton yüksək keyfiyyətli düyünün qiyməti 1 min dollara çatmışdır.
Məlum olduğu kimi, Tailandın və Myanmanın baş nazirləri aprelin 30-da Banqokda keçirilən görüşdə bu məsələni müzakirə etmişlər. Laos və Kamboca Tailandın təklifinə artıq müsbət cavab vermişdir. Vyetnam isə məsələni öyrənəcəyini və ola bilsin ki, müsbət cavab verəcəyini bildirmişdir.
Bölmənin digər xəbərləri
