TƏBABƏT YENİLİKLƏRİ
ÜRƏK TUTMASI RİSKİNİN GENİ TAPILMIŞDIR
Onların fikrincə, gen defektinin nəticələrini aradan qaldırmağa kömək edən dərman hazırlanması mümkündür. Bundan əlavə, yaxın vaxtlarda risk qrupundan olan adamları üzə çıxarmaq və onlara xəstəliyin profilaktikasının ənənəvi tədbirlərini təklif etmək mümkün olacaqdır.
Alimlərə məlum idi ki, xolesterin düyünlərinin damarın divarına zədələyici təsir göstərməsində əsas molekullardan biri iltihab proseslərini tənzimləyən sitokin limfotoksin-alfadır. Tokio Fizika və Kimya Tədqiqatları İnstitutu alimlərinin araşdırmalarında bu sitokini tənzimləyən maddəni aşkar etmək mümkün olmuşdur.
Toşihiro Tanakanın başçılıq etdiyi tədqiqatçılar qrupu laboratoriya təcrübələrində aydınlaşdırmışdır ki, qalektin-2 zülalı limfotoksin-alfanın səviyyəsini bilavasitə tənzimləyir. Sonrakı tədqiqatlar göstərmişdir ki, bu zülalı kodlaşdıran LGALS2 geninin üç variantı mövcuddur, onlardan biri müdafiə səviyyəsinin xeyli aşağı düşdüyünü müəyyənləşdirir.
Nəzərə çarpdırılır ki, qalektin-2 geninin bu cür defekti Yaponiya əhalisinin təxminən 4 faizində tapılır. Lakin alimlər xəbərdarlıq edirlər ki, onun infarkt riskinə təsiri ehtimalını laboratoriyada ayrı-ayrı hüceyrələrdə deyil, bütöv orqanizmdə yoxlamaq lazımdır. Daha bir xəbərdarlıq: genin digər ölkələrdə yayılma dərəcəsi fərqlənə bilər.
Bölmənin digər xəbərləri
