TƏHLÜKƏLİ VƏ AĞIR CİNAYƏTLƏRİN AÇILMASI TƏMİN EDİLMİŞDİR
Daxili işlər orqanları tərəfindən cinayətkarlığa, onun mütəşəkkil və təhlükəli növlərinə qarşı aparılan məqsədyönlü və sistemli mübarizə nəticəsində cari ilin 6 ayı ərzində respublikamızda bir sıra təhlükəli, o cümlədən qrup şəklində törədilmiş qətl, adam oğurluğu, quldurluq və s. ağır cinayətlərin açılması təmin edilmişdir.
Daxili İşlər Nazirliyindən AZƏRTAC-ın müxbirinə bildirmişlər ki, hesabat dövründə ümumilikdə qrup halında 591 cinayət törətmiş 1569 cinayətkar zərərsizləşdirilmişdir. Görülən tədbirlərin məntiqi nəticəsi olaraq, bu qəbildən olan cinayətlərin sayı 7,1 faiz azalmışdır.
