TƏHSİL NAZİRLİYİ LƏNKƏRANDA KURRİKULUM İSLAHATI İLƏ BAĞLI TƏLİM KURSU KEÇİRMİŞDİR
AZƏRTAC xəbər verir ki, Təhsil Nazirliyi Lənkəran şəhərindəki 1 nömrəli orta məktəbdə təhsil sistemində kurrikulum islahatı ilə bağlı rayonun ümumtəhsil məktəblərinin birinci siniflərində dərs deyəcək 170 nəfər ibtidai sinif müəllimi üçün təlim kursu keçirmişdir.
Altı qrupda müxtəlif fənlər üzrə keçirilən təlim məşğələsində Təhsil Nazirliyinin Kurrikulum Mərkəzinin əlaqələndiricisi Elxan Cəfərov və mərkəzin elmi işçisi İlhamə Sultanova kurrikulum islahatının mahiyyəti, təhsilin məzmununun müəyyənləşdirilməsi məsələləri, ölkəmizdə ümumi təhsilin konsepsiyası (Milli Kurrikulum) və fənn kurrikulumlarının xüsusiyyətləri barədə danışmış, dinləyiciləri maraqlandıran sualları cavablandırmışlar.
Bölmənin digər xəbərləri
