“TƏLƏBƏ BAHARI”NIN QALİBLƏRİ MÜKAFATLANDIRILMIŞDIR
AZƏRTAC vəbər verir ki, mayın 2- də Ş.Qurbanov adına Dövlət Musiqili Komediya Teatrında “Tələbə baharı” II yaradıcılıq festivalı qaliblərinin qala konserti keçirilmişdir.
Gənclər və idman nazirinin müavini İntiqam Babayev respublikanın 21 universitet və orta ixtisas məktəblərinin, kolleclərin 150-yə yaxın tələbə və şagirdinin iştirak etdiyi bu festivalın gənclərin bədii yaradıcılqlarının üzə çıxarılması və onlara dövlət qayğısının artırılması məqsədilə keçirildiyini bildirmişdir.
Təhsil nazirinin müavini Elmar Qasımov bildirmişdir ki, şeir, mahnı və rəqs ifa edən gənclərin çıxışlarını 7 nəfərdən ibarət tanınmış münsiflər heyəti qiymətləndirmişdir.
Qala konsertində festivalın 9 nominasiya üzrə qalibi olan 26 nəfər çıxış etmişdir.
Sonda qaliblərə Mədəniyyət və Turizm, Gənclər və İdman, Təhsil nazirliklərinin diplom və hədiyyələri təqdim olunmuşdur.
Bölmənin digər xəbərləri
