Tofiq Musayev “Bellator MMA” ilə müqavilə imzalayıb
Bakı, 11 yanvar, AZƏRTAC
Azərbaycanın idmançısı, Rizin Qran-Prisinin qalibi Tofiq Musayev “Bellator MMA” ilə müqavilə imzalayıb.
AZƏRTAC xəbər verir ki, müqaviləyə əsasən, T.Musayev “Bellator MMA”da 4 döyüş keçirəcək.
Qeyd edək ki, ABŞ-da 2008-ci ildə təsis olunmuş “Bellator MMA” dünyada MMA döyüşlərini təşkil edən nüfuzlu təşkilatlardan biridir.
T.Musayev indiyədək keçirdiyi 18 döyüşdən 14-ündən qələbə ilə ayrılıb.
İdmançımız bu günə qədər UFC, Rizin, Bellator kimi bir sıra təşkilatların döyüşçüləri ilə qarşılaşaraq yüksək nailiyyətlərə imza atıb, dövlət bayrağımızı yüksəklərdə dalğalandırıb.
Bölmənin digər xəbərləri
