TONİ BLEYER İNGİLTƏRƏ YIĞMASINA AZARKEŞLİK EDƏCƏK
AZƏRTAC “Novosti” agentliyinə istinadla xəbər verir ki, Britaniyanın Baş naziri Toni Bleyerin fikrincə, onun və nazirlərin İngiltərə yığmasına azarkeşlik etməyə haqqı var. Toni Bleyer onlayn mətbuat konfransında “Britaniya nazirləri Birləşmiş Krallığın digər xalqlarının heysiyyətinə toxunmamaq üçün İngiltərə yığmasına azarkeşlik etməməlidirlər” fikrini cəfəngiyat adlandırmışdır. “Mən özüm ingilis komandasının azarkeşiyəm” deyən Bleyerin sözlərinə görə, ölkədə hər kəsin, o cümlədən nazirlərin öz nöqteyi-nəzərini və rəğbətini ifadə etməyə haqqı var.
Bununla yanaşı, bir sıra məşhur şotlandiyalılar, o cümlədən aktyor Şon Konneri və tennisçi Endi Marrey Şotlandiya futbol komandasının əzəli rəqibi olan İngiltərə yığmasının hamı tərəfindən dəstəklənməsinin əleyhinədirlər.
Bölmənin digər xəbərləri
