Türkiyə XİN: Ümidvarıq ki, Almaniyada məscidlərə hücum edənlər cəzalarını alacaqlar
İstanbul, 12 mart, AZƏRTAC
Türkiyənin Xarici İşlər Nazirliyi (XİN) son günlər Almaniyada türklərə məxsus məscidlərə edilən hücumlara etirazını bildirib.
AZƏRTAC xəbər verir ki, XİN-in rəsmi saytında yer alan açıqlamada bildirilir ki, Berlin şəhərində və Lauffen am Neckar qəsəbəsindəki məscidlərə “Molotov” kokteylli hücumların PKK tərəfdarlarının həyata keçirdikləri bəlli olsa da, hələlik bu qanunsuz əməlləri törədənlər saxlanılmayıb.
Məlumatda bildirilir ki, Almaniyadakı irqçi qüvvələr və PKK tərəfdarlarının camilərə hücumlarının davam etməsi yolverilməzdir. Əminliklə ifadə olunur ki, səlahiyyətli qurumlar ən qısa zamanda bu hücumları təşkil edənləri və həyata keçirənləri aşkarlayaraq cəzalandıracaqlar.
Sabir Şahtaxtı
AZƏRTAC-ın xüsusi müxbiri
İstanbul
Bölmənin digər xəbərləri
