TÜRKİYƏNİN AVROPA İTTİFAQINA ÜZVLÜYÜ İLƏ BAĞLI DANIŞIQLARI SÜRƏTLƏNDİRMƏK NƏZƏRDƏ TUTULUR
Avropa İttifaqı (Aİ) Türkiyə ilə bu ölkənin Aİ-yə üzv olması məsələsinə dair danışıqları sürətləndirməyi planlaşdırır. AZƏRTAC xəbər verir ki, bunu Aİ-nin genişləndirilməsi məsələləri üzrə Avropa komissarı Olli Ren bildirmişdir.
O.Ren “Velt” qəzetinə müsahibəsində qeyd etmişdir ki, iyunda danışıqların dairəsi genişləndiriləcəkdir. Söhbət sahibkarların hüquqları və intellektual mülkiyyət məsələləri haqqında bölmələrdən gedir. İlin ikinci yarısında energetika problemlərinə dair məsləhətləşmələr keçiriləcəkdir.
Avropa komissarı Ankaranın bundan sonra da islahatlar aparmasının vacibliyini vurğulayaraq demişdir: “Biz Türkiyədə hamı üçün söz azadlığının təmin ediləcəyini, habelə qadınların və milli azlıqların hüquqlarının müdafiə olunacağını gözləyirik”.
Bölmənin digər xəbərləri
