TÜRKİYƏYƏ REKORD SAYDA TURİST GƏLİR

05.08.2003 [14:53]
Çap et
A⁺ A^-

AZƏRTAC-ın müxbiri Ankaradan xəbər verir ki, Türkiyə dünyanın aparıcı turizm ölkələrindən biri olaraq qalır. Buna ölkənin bütün kurortlarında əcnəbi turistlərin öz səhhətini möhkəmlətməsi və mənalı istirahəti üçün heyrətamiz şərait yaradılması imkan verir.

Türkiyə bu il də turizm sahəsində liderlər sırasındadır. Belə ki, bu yay ölkəyə rekord sayda turist gəldiyi qeydə alınmışdır. Məsələn, təkcə iyul ayında Türkiyənin Aralıq və Egey dənizləri sahillərindəki dünya şöhrətli kurortlarında 2 milyondan çox turist istirahət etmişdir.

Güman olunduğuna görə, ilin sonunadək Türkiyəyə təxminən 15 milyon turist gələcək və bunun sayəsində dövlət xəzinəsinə təqribən 12 milyard dollar köçürüləcəkdir.

Dincəlmək üçün Türkiyəyə getməyi üstün tutanların əksəriyyəti ərəb və MDB ölkələrinin sakinləridir.

TÜRKİYƏYƏ REKORD SAYDA TURİST GƏLİR

MÜƏLLİFLƏ ƏLAQƏ

Bölmənin digər xəbərləri