Üç komanda Fernando Alonsonun gənc sürücülərin sınaq yürüşündə iştirakına qarşıdır
Bakı, 3 noyabr, AZƏRTAC
Formula 1 mövsümü bitdikdən sonra gənc sürücülər Əbu-Dabidə sınaq yürüşündə iştirak edəcəklər.
AZƏRTAC xarici KİV-lərə istinadla xəbər verir ki, “Renault” komandasının rəhbəri Siril Abitebul rəqiblərindən Fernando Alonsonun gənclər üçün keçiriləcək testlərdə iştirak etməsinə icazə vermələrini istəyib. Lakin üç komanda - “Racing Point”, “McLaren” və “Haas” 39 yaşlı ispaniyalının bu testlərdə iştirakına qarşı olduğunu bildirib. Belə ki, onlar gənclərin yarışında ikiqat dünya çempionuna görə “Renault”un haqsız üstünlük əldə edəcəyini düşünürlər.
Yarışın qaydalarına görə, testlərdə yalnız gənc sürücülər iştirak etməlidirlər. Otuz doqquz yaşlı ikiqat dünya çempionu isə bu qaydalara uyğun gəlmir.
Bölmənin digər xəbərləri
