“ULTRA” ŞİRKƏTİ YENİ MƏHSUL TƏQDİM ETMİŞDİR
“Ultra” kompyuter şirkəti bazara yeni məhsul - “NEXUS N-Comp” sistemlərini təqdim etmişdir.
Şirkətdən AZƏRTAC-a bildirmişlər ki, yeni sistem hər əməkdaş üçün fərdi iş stansiyalarının yaradılmasına imkan verir.
Sistem idarəedici kompyuterə yüklənilmiş NEXUS N-Comp vizualizasiya proqramından və hər istifadəçinin monitoruna quraşdırılmış kiçik N-Comp giriş cihazından ibarətdir.
Alınan qurğudan asılı olaraq bir kompyuterdən istifadə edərək 4-dən 30-dək fərdi işçi stansiyası yaratmaq olar.
Yeni qurğu elektrik enerjisi istifadəsi baxımından xeyli sərfəlidir. Onun işləməsi üçün cəmi 5 vatt tələb olunur. Bundan əlavə, sistem kompyuterlərin dəstək və istismarını, eləcə də təhlükəsizliyin təmin edilməsi prosesini asanlaşdırır.
Bölmənin digər xəbərləri
