Ulu öndər Heydər Əliyev zəmanəmizin yetişdirdiyi ən böyük şəxsiyyətlərdən biridir
Bakı, 10 may, AZƏRTAC
Ulu öndər Heydər Əliyev zəmanəmizin yetişdirdiyi ən böyük şəxsiyyətlərdən biridir. Belə bir dərin zəka sahibinin, müdrik və nadir şəxsiyyətin azərbaycanlı olması qəlbimizi qürurlandırır. Ulu Öndəri nə qədər tərənnüm etsək də, onun işıqlı obrazını tam dolğunluğu ilə yarada bilmirik. Çünki bu böyük şəxsiyyətin xalqımızın rifahı naminə gördüyü işlər heç bir ölçüyə gəlmir.
Bu sözləri AZƏRTAC-a müsahibəsində Ümummilli Liderin xatirəsinə ehtiramını bildirmək üçün mayın 10-da Fəxri xiyabana gələn şair Qurban Hüseyn deyib.
Ümummilli lider Heydər Əliyevin şair və yazıçılara həmişə diqqət və qayğı ilə yanaşdığını vurğulayan Q.Hüseyn bildirib ki, klassik və müasir ədəbi şəxsiyyətlərin yubileylərinin keçirilməsi, ədəbiyyatımızın bütün dünyada yetərincə təbliğ olunması Ulu Öndərin adı ilə bağlıdır. O, Ümummilli Liderin zəngin irsinin, dövlətçilik təcrübəsinin öyrənilməsinin və gənc nəslə çatdırılmasının vacibliyini də qeyd edib.
Bölmənin digər xəbərləri
