ULU ÖNDƏR HEYDƏR ƏLİYEVİN 85 İLLİK YUBİLEYİ MÜNASİBƏTİLƏ İNŞA MÜSABİQƏSİ
AZƏRTAC xəbər verir ki, ümummilli liderimiz Heydər Əliyevin 85 illik yubileyi münasibətilə ümumtəhsil məktəbləri üzrə inşa müsabiqəsinin final mərhələsi keçirilmişdir.
Təhsil Nazirliyi, Yeni Azərbaycan Partiyası və Azərbaycan Həmkarlar İttifaqları Konfederasiyasının təşkilatçılığı ilə keçirilən müsabiqədə iştirak edən 600 min şagirddən 123 nəfəri final müsabiqəsində iştirak etmək hüququ qazanmışdır.
Təhsil naziri Misir Mərdanov ulu öndər Heydər Əliyevin müstəqil dövlətimizin yaranmasında və inkişafında tarixi xidmətlərini vurğulamışdır.
Nazir eyni zamanda bildirmişdir ki, ekspertlər inşa yazıları oxuyarkən onların kim tərəfindən yazıldığını bilməyəcəklər. Çünki inşa yazılar müəllifin adı ilə yox, nömrələrlə təqdim olunacaqdır.
Nəticələr bu ayın 30-da açıqlanacaq və qaliblər mükafatlandırılacaqlar. Bu ayın sonunda təhsil müəssisələrində ümummilli liderimiz Heydər Əliyevə həsr olunmuş dərslər və elmi-praktiki konfranslar keçiriləcəkdir.
Bölmənin digər xəbərləri
