Ulu Öndəri yad edərkən: Daim parlayan Günəş
Gəncə, 10 may, Rauf Hacıyev, AZƏRTAC
Ümummilli lider Heydər Əliyevin anadan olmasının 95-ci ildönümü Naftalan şəhərində geniş qeyd edilib.
AZƏRTAC-ın bölgə müxbiri xəbər verir ki, bu münasibətlə keçirilən ümumşəhər tədbirində Naftalan Şəhər İcra Hakimiyyətinin başçısı Natiq Aslanov, hüquq mühafizə orqanlarının, idarə, müəssisə və təşkilatların rəhbərləri, ictimaiyyət nümayəndələri, eləcə də şəhərə istirahət etməyə və müalicəyə gələn qonaqlar iştirak ediblər.
Əvvəlcə tədbir iştirakçıları Heydər Əliyev parkında Ulu Öndərin abidəsi önünə tər çiçək dəstələri qoyaraq, dahi şəxsiyyətin xatirəsini ehtiramla anıblar.
Sonra müxtəlif əl işlərindən ibarət sərgiyə baxış keçirilib.
Heydər Əliyev Mərkəzində davam etdirilən tədbirdə çıxış edənlər Ümummilli Liderin Azərbaycan xalqı və dövləti qarşısındakı misilsiz xidmətlərindən danışıblar.
Sonda məktəblilərin ifasında “Daim parlayan Günəş” adlı ədəbi-bədii kompozisiya nümayiş etdirilib.
Bölmənin digər xəbərləri
