ÜMUMMİLLİ LİDERİMİZİN YUBİLEYİ İLƏ ƏLAQƏDAR TƏDBİRLƏR KEÇİRİLİR
AZƏRTAC-ın müxbiri xəbər verir ki, Azərbaycan xalqının ümummilli lideri Heydər Əliyevin anadan olmasının 85 illik yubileyi ilə əlaqədar Qazax rayon Təhsil Şöbəsində geniş tədbirlər planı hazırlanmış və icrasına başlanmışdır.
Tədbirlər planına uyğun olaraq, rayonun məktəbləri arasında şahmat və futbol yarışları, habelə rəsm, inşa, muğam müsabiqələri artıq yekunlaşmışdır.
İnşa yazıları müsabiqəsinin qalibi Ağköynək kənd məktəbinin 10-cu sinif şagirdi Səbinə Eyyubova respublika müsabiqəsinin iştirakçısı olmuşdur. Şahmat turnirində Aygün Bayramova, Gülüstan Əsgərova, Elcan Mirzəyev, rəsm müsabiqəsində Emin Dəmirçiyev, Nəsib Alqazaxlı, Jalə Mehdiyeva qalib gələrək respublika müsabiqəsinə vəsiqə almışlar.
Rayonun bütün təhsil ocaqlarında ulu öndərin həyat və fəaliyyətinə həsr olunmuş guşələr yaradılmışdır.
Yubiley tədbirləri davam etdirilir.
Bölmənin digər xəbərləri
