UNİBANK BRİLYANTLARIN BİRİNCİ UDUŞUNU KEÇİRMİŞDİR
Unibank “Brilyant depozit” lotereya aksiyası çərçivəsində brilyantların birinci uduşunu keçirmişdir.
Bankdan AZƏRTAC-ın müxbirinə bildirmişlər ki, qalib müstəqil müşahidəçilərin nəzarəti altında təsadüfi kompyuter seçimi üsulu ilə müəyyənləşdirilmişdir.
Ümumi çəkisi 1 karat olan üç brilyant əmanəti azı 1000 manat, 1000 ABŞ dolları və ya 1000 avro təşkil edən bank əmanətçiləri arasında oynanılmışdır. Birinci uduşda “Proqressiv” depozitinin sahibi qalib gəlmişdir.
Xatırladaq ki, depozitdə olan hər 1000 manat, dollar və ya avro qalib gəlməyə bir şansdır. Əmanətin məbləği nə qədər çox olarsa, brilyantları udmaq şansı da bir o qədər çoxdur.
“Brilyant depozit” aksiyası 2009-cu ilin martınadək davam edəcəkdir. “Unibank” aksiya zamanı hər ay ümumi çəkisi 1 karat olan üç brilyantın uduşunu keçirəcəkdir. On ikinci final uduşu Novruz bayramı ilə bir vaxta salınacaq və onun qalibi ümumi çəkisi 3 karat olan üç brilyanta sahib olacaqdır. Brilyantların hamısı qiymətli daşların keyfiyyətinin bütün parametrləri, xüsusilə çəkisi, rəngi, saflığı və cilalanmasının keyfiyyəti göstərilməklə müvafiq sertifikatlara malikdir. Uduşda aksiya keçirilənədək və keçirildiyi zaman depozitlər qoyan bank əmanətçiləri iştirak edirlər.
Növbəti uduş haqqında bildiriş KİV-lərdə dərc ediləcəkdir.
