CƏMİYYƏT
“Vətən sənin əsgərinəm” kitabının və “Ali baş komandanın hər bir əmrinə hazırıq” kitab-albomun təqdimat mərasimi keçirilmişdir
Bakı, 24 dekabr (AZƏRTAC). “Ən müxtəlif sahələrdə sürətlə inkişaf edən Azərbaycanın ordu quruculuğunun müasir səviyyəsi və hərbi qüdrətinin artması məhz Ali Baş Komandan, Prezident İlham Əliyevin müəyyən etdiyi düzgün siyasətin məntiqi nəticəsidir”.
AZƏRTAC xəbər verir ki, bu fikirlər Silahlı Qüvvələrin Təlim və Tədris Mərkəzində keçirilən “Vətən sənin əsgərinəm” və “Ali baş komandanın hər bir əmrinə hazırıq” kitab -albomunun təqdimat mərasimində söylənmişdir.
Mərasimdə Müdafiə Nazirliyinin rəsmiləri, təlim-tədris mərkəzinin zabitləri və ziyalılar iştirak etmişlər.
Kitabların və albomun müəllifi, Əməkdar İncəsənət Xadimi polkovnik Abdulla Qurbanidir.
Kitabda vətənpərvərlik mövzusunda şeirlər, hekayələr, foto albomda isə müxtəlif tədbirlərdə, parad və təlimlərdə Silahlı Qüvvələrimizin müasir durumunu əks etdirən şəkillər yer alır.
Tədbir iştirakçıları dövlətin hərbi sahəyə ayırdığı diqqət nəticəsində yaxın gələcəkdə daha da qüdrətli orduya sahib olacağımıza inam ifadə etmişlər.
Sonda Müdafiə Nazirliyinin musiqi kollektivinin konsert proqramı olmuşdur.