Vilayət Zahirov: Bələdiyyələrdə savadlılığın artırılması istiqamətində xeyli irəliləyiş əldə olunub
Bakı, 15 fevral, AZƏRTAC
Bələdiyyələrdə savadlılığın artırılması istiqamətində qarşıda duran məsələlər var. Əvvəlki illərlə müqayisədə bu sahədə xeyli irəliləyiş əldə olunub.
AZƏRTAC xəbər verir ki, bu sözləri Milli Məclisin Regional məsələlər komitəsinin fevralın 15-də keçirilən iclasında ədliyyə nazirinin müavini Vilayət Zahirov deyib.
“Əvvəlki vaxtlarda bələdiyyələrdə bir nəfər ali təhsilli nümayəndə tapmaq çətin idi. Bu problem artıq həllini tapıb. Az sayda problemlər var, onlar da gələcəkdə aradan qaldırılacaq”, - deyə nazir müavini qeyd edib.
Vilayət Zahirov bələdiyyələrin səlahiyyətinin artırılması məsələsinə toxunub. Bildirib ki, böyük səlahiyyətlərin birdən-birə verilməsi yanlışdır. Amma tədricən belə addımlar atılacaq.
Bölmənin digər xəbərləri
