XIV əsr tarixinə aid dəyərli mənbə
Bakı, 4 aprel, AZƏRTAC
Azərbaycan Milli Elmlər Akademiyasının Məhəmməd Füzuli adına Əlyazmalar İnstitutunun elmi şurasının qərarı ilə daha bir dəyərli əsər nəşr olunub.
İnstitutdan AZƏRTAC-a bildiriblər ki, Elvin Talışxanovun “Hafiz Əbrunun “Zayli-cami ət-təvarixi-Raşidi” XIV əsr Azərbaycan tarixinin öyrənilməsi üzrə mənbə kimi” əsəri təkcə tarixçi-mənbəşünaslara deyil, həm də geniş oxucu kütləsinə ünvanlanıb.
“Ön söz”, dörd fəsil və geniş ədəbiyyat siyahısından ibarət olan kitabda XIV əsr mənbələri, Hafiz Əbrunun həyat və yaradıcılığı, “Zayli-cami ət-təvarixi-Raşidi”nin meydana gəlməsi, XIV əsrdə mövcud olmuş dövlətlər və s. barədə geniş məlumat verilir. Müəllif hər bir tarixi faktı bir neçə mənbə əsasında araşdırdıqdan və məxəzləri müqayisəli şəkildə təhlil etdikdən sonra öz mövqeyini ortaya qoyur ki, bu da əsərin elmi əhəmiyyətini daha da artırır.
Bölmənin digər xəbərləri
