Yaponiya “K” superkompüterindən istifadəni dayandıracaq
Tokio, 7 fevral, AZƏRTAC
Yaponiya dünyanın ən sürətli kompüterlərindən hesab edilən “K” superkompüterindən istifadəni avqustda dayandıracaq.
AZƏRTAC xəbər verir ki, onun daha müasir maşınla əvəz ediləcəyi bildirilir.
Xatırladaq ki, “K” superkompüteri 2012-ci ildə milli layihə olaraq yaradılıb. Bu maşın dərmanların hazırlanmasından başlamış zəlzələlərin və hava proqnozunun öyrənilməsinədək müxtəlif sahələrdə istifadə edilib.
Hazırda yapon mühəndislər “K” superkompüterinin sələfi üzərində işləri davam etdirirlər. Yeni maşının xələfindən 100 qat məhsuldar olacağı planlaşdırılır. Onun müxtəlif institutlar tərəfindən istismarına 2021-ci ildə başlanacaq.
“K” superkompüterindən istifadənin dayandırılması müxtəlif sahələrdə aparılan tədqiqatların gedişinə mənfi təsir göstərə bilər ki, bu da elmi dairələrdə narahatlıq doğurur.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
