Yaponiyada avtobusun avtomobillə toqquşması nəticəsində 21 nəfər xəsarət alıb
Tokio, 13 iyul, AZƏRTAC
Yaponiyanın Naqano prefekturasındakı dağ yolunda avtobusun avtomobillə toqquşması nəticəsində 21 nəfər xəsarət alıb.
AZƏRTAC xəbər verir ki, bu barədə Yanğınsöndürmə idarəsi məlumat yayıb.
Bildirilir ki, iyulun 13-də günün ikinci yarısında Naqano prefekturasının Matsumoto şəhərinə aid olan dağ yolunda turist avtobusu avtomobillə toqquşub. Yol-nəqliyyat hadisəsi nəticəsində 21 nəfər xəstəxanaya yerləşdirilib. Avtomobilin sürücüsünün vəziyyətinin ağır olduğu qeyd edilir.
Hadisənin baş vermə səbəbləri araşdırılır.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
