Yaponiyada Simmoe vulkanının püskürməsi ilə bağlı xəbərdarlıq elan edilib
Tokio, 14 may, AZƏRTAC
Yaponiyanın hökumət orqanları ölkənin cənub-qərbində yerləşən Simmoe vulkanının püskürməsi ilə əlaqədar xəbərdarlıq yayıb.
AZƏRTAC NHK telekanalına istinadla xəbər verir ki, mayın 14-də baş verən püskürmədən sonra Yaponiya Meteorologiya Agentliyi vulkana 3 kilometr radiusda yaxınlaşmamağı tövsiyə edib.
Məlumatda qeyd edilir ki, vulkan 3,3 min metr yüksəkliyə tüstü və kül püskürüb və külək onu cənub-şərq istiqamətində aparır. Vulkan rayonunda piroklastik axın təhlükəsi barədə xəbərdarlıq da edilib.
Xatırladaq ki, Simmoe vulkanının cari ilin martında oyandığı, eyni zamanda, ötən il də püskürdüyü barədə məlumatlar yayılıb.
Simmoe vulkanı Miayazaki və Kaqoşima prefekturalarının sərhədində yerləşən Kirişima dağ silsiləsinə aiddir.
Vüqar Ağayev
AZƏRTAC-ın xüsusi müxbiri
Tokio
Bölmənin digər xəbərləri
