YARDIMLI QƏSƏBƏSİNDƏKİ ZƏRİFƏ ƏLİYEVA ADINA UŞAQ BAĞÇASI VƏ KÖRPƏLƏR EVİNDƏ MƏRASİM KEÇİRİLMİŞDİR
AZƏRTAC xəbər verir ki, aprelin 28-də Yardımlı qəsəbəsindəki uşaq bağçası və körpələr evində görkəmli oftalmoloq alim, akademik Zərifə xanım Əliyevanın 85 illiyinə həsr olunmuş mərasim keçirilmişdir.
Qəsəbə sakinlərinin, valideynlərin, təhsil işçilərinin və ictimaiyyət nümayəndələrinin iştirak etdikləri tədbirdə rayon icra hakimiyyəti başçısının müavini Azər Əkbərov, uşaq bağçasının müdiri Gülnarə Rzayeva, təhsil şöbəsi müdirinin müavini Vəli Nağıyev və başqaları akademik Zərifə xanım Əliyevanın mənalı ömür yolundan danışmış, onun Azərbaycan tibb elminin inkişafındakı rolunu yüksək qiymətləndirmişlər.
Mərasimdə şair Pənah Dumanoğlu və bağçanın uşaqları görkəmli oftalmoloqa həsr olunmuş şeirlər söyləmişlər.
Bölmənin digər xəbərləri
