“YENİ AZƏRBAYCAN NAMİNƏ” HƏRƏKATA QOŞULMUŞLAR
Mingəçevirdə ağsaqqallarla gənclərin dəyirmi masa ətrafında görüşündə ölkəmizin həyatında mühüm siyasi hadisə - oktyabrın 15-də keçiriləcək prezident seçkilərinə hazırlıqla bağlı işgüzar söhbət olmuş, fikir mübadiləsi aparılmışdır. Görüşdə çıxış edənlər son vaxtlar dağıdıcı müxalifətin mətbuat orqanlarında, xüsusilə “Yeni Müsavat” qəzetində möhtərəm Prezidentimiz Heydər Əliyevin səhhəti ilə bağlı etik normalardan uzaq, milli-mənəvi dəyərlərimizə zidd, həqiqətə uyğun olmayan yazılara qəti etiraz etdiklərini bildirmişlər.
Qeyd olunmuşdur ki, xalqın böyük əksəriyyəti Heydər Əliyev siyasi kursunun davam etdirilməsinə tərəfdardır. Mingəçevirin ağsaqqalları və gəncləri Yeni Azərbaycan Partiyasının namizədlərini müdafiə edir və seçki kompaniyasında fəal iştirak edəcəklərinə söz verirlər.
Tədbir iştirakçıları hamılıqla “Yeni Azərbaycan Naminə” ictimai hərəkata qoşulduqlarını bildirmişlər.
Bölmənin digər xəbərləri
