YOL-NƏQLİYYAT QƏZALARI ÖLÜMLƏ NƏTİCƏLƏNMİŞDİR
AZƏRTAC xəbər verir ki, Əzizbəyov dairəsinin yaxınlığında, Ramana qəsəbəsinin sakini Kənan Dadaşov idarə etdiyi “VAZ-2107” markalı avtomaşını Zabrat qəsəbəsinin sakini Vəkil Əmirovun idarə etdiyi “Belarus” markalı traktora vurmuşdur. Nəticədə, K.Dadaşovun sərnişini Əbdül Əmrahov hadisə yerində ölmüş, sürücünün özü və digər 2 sərnişin xəsarətlə xəstəxanaya yerləşdirilmişlər, vəziyyətləri orta ağırdır.
Beyləqanın Milabad kəndi ərazisində isə Xocavənd rayonunun sakini Şura Qasımov “VAZ-2106” markalı avtomaşınla həmin kənddə məskunlaşmış Cəbrayıl rayon sakini Oruc Behbudovu vurmuşdur. Xəsarətlə xəstəxanaya yerləşdirilmiş O.Behbudovun həyatını xilas etmək mümkün olmamışdır.
Hər iki faktla bağlı cinayət işi başlanmışdır, araşdırma aparılır.
