ZAQATALA BEYNƏLXALQ HAVA LİMANI FƏALİYYƏTİNİ BƏRPA ETMİŞDİR
Bakı, 18 iyul (AZƏRTAC). Prezident İlham Əliyevin iyulun 8-də Zaqatalaya səfəri zamanı bu bölgəyə təyyarə uçuşlarının bərpa olunması barədə göstərişindən sonra Bakı-Zaqatala-Bakı reysi yenidən həyata keçirilməyə başlamışdır.
AZƏRTAC xəbər verir ki, hava limanın fəaliyyətini dayandırmasına səbəb sərnişinlərin az olması idi. Sərnişin avtobuslarının gecə reyslərinin dayandırılmasından sonra təyyarə reysinin yenidən fəaliyyətə başlamasına zərurət yaranmışdı.
Uçuşların həftənin II və VI günləri həyata keçirildiyini deyən Zaqatala beynəlxalq hava limanının direktoru Nizami Babayev bildirmişdir ki, təyyarə səhər saat 10.00-da Bakıdan Zaqatalaya, saat 12.00-da isə Zaqataladan Bakıya hərəkət edəcəkdir. Uçuşlar Fransa istehsalı olan “ATR-52” tipli təyyarədən istifadə etməklə həyata keçirən beynəlxalq hava limanı 1 saat ərzində 100 sərnişinə xidmət göstərmək gücünə malikdir.
Qiymətlərə gəlincə isə bir tərəfli uçuş 52 manat, iki tərəfli uçuş isə 104 manat təşik edir.
Hava limanı müxtəlif istiqamətlərə uçuşlar həyata keçirməyə hazırdır və həmin uçuşlar cari ildən nəzərdə tutulur.
Xatırladaq ki, 2008-ci ilin avqustundan istifadəyə verilən Zaqatala hava limanına beynəlxalq status verildikdən sonra dünyanın əksər ölkələrinə bu haqda məlumat göndərilmişdir.
Bölmənin digər xəbərləri
