Nigeriyada avtomobil qəzasında 30-dan çox insan həlak olub
Bakı, 9 fevral, AZƏRTAC
Nigeriyanın şimal-şərqində yerləşən Kano ştatında baş verən ağır yol-nəqliyyat hadisəsi nəticəsində 30-dan çox insan həlak olub, çox sayda şəxs yaralanıb.
AZƏRTAC xəbər verir ki, bu barədə “Daily Post” qəzeti Kano ştatının qubernatoru Abba Yusufa istinadla məlumat yayıb.
İlkin məlumatlara əsasən, hadisə Kvanar-Barde kəndi yaxınlığında, Qudjunqu şəhərinə aparan magistral yolda qeydə alınıb. İnsanları daşıyan qoşqu sürücünün diqqətsizliyi səbəbindən qəzaya uğrayıb.
Yaralılar tibbi yardım göstərilməsi üçün ştat ərazisində yerləşən xəstəxanalara yerləşdiriliblər.
Bölmənin digər xəbərləri
