Həsən Həsənov: Atropatena Makedoniyalı İsgəndərin imperiyasının parçalanması nəticəsində yaranmayıb
Bakı, 19 sentyabr, AZƏRTAC
Əsas məsələ ondan ibarətdir ki, Atropatena bir dövlət kimi Makedoniyalı İsgəndərin imperiyasının parçalanması nəticəsində deyil, Assuriya imperiyasının dağılmasından sonra yaranıb. Buna görə də onun yaranma tarixi eramızdan əvvəl 321-ci il deyil, 612-ci il hesab edilməlidir. O, albanların yaşadığı və sonradan Albaniyanın yarandığı ərazilərdə formalaşıb. Bu ərazi əzəli Atropatena torpaqlarıdır.
Bunu ictimai, dövlət və siyasi xadim, Türk Dövlətləri Təşkilatının Ağsaqqallar Şurasının üzvü Həsən Həsənov AZƏRTAC-a müsahibəsində deyib. Onun sözlərinə görə, bu yanaşma Qafqaz Albaniyasının siyasi tarixinin öyrənilməsi üçün prinsipial əhəmiyyət daşıyır.
Tarixin öyrənilməsinə mövcud yanaşmaların yenidən nəzərdən keçirilməsinin zəruriliyindən danışan H.Həsənov qeyd edib ki, söhbət tarixi kitabların mexaniki şəkildə dəyişdirilməsindən getmir.
“Mən deyirəm ki, hazırda rəsmi elmi təşkilatlarda qəbul edilmiş rəsmi tarixşünaslığımız sovet konsepsiyasına əsaslanır. Bundan imtina etmək lazımdır”, - deyə H.Həsənov vurğulayıb.
Bölmənin digər xəbərləri
