Zaur Babayev: Gənclərimiz Vətənə xidmət etməyi özlərinin ən şərəfli vəzifəsi hesab edir
Bakı, 2 fevral, Leyla Qurbanova, AZƏRTAC
Müasir müstəqil Azərbaycan bu gün dünyanın ən sürətlə inkişaf edən ölkələrindən biri kimi tanınır. Cəmiyyətin aparıcı qüvvəsinə çevrilən gənclər ölkəmizin inkişafına böyük töhfələr verirlər. Biz, gənc nəsil ölkəmizin bugünkü inkişafı ilə qürur duyuruq.
Bu sözləri AZƏRTAC-a fevralın 1-də ümummilli lider Heydər Əliyevin xatirəsini anmaq üçün Fəxri xiyabana gələn Azərbaycan Əmək və Sosial Münasibətlər Akademiyasının tələbəsi, Asan Könüllüləri Gənclər Təşkilatının nümayəndəsi Zaur Babayev deyib.
O əsası ümummilli lider Heydər Əliyev tərəfindən qoyulan gənclər siyasətinin ölkəmizdə uğurla davam etdirildiyini və həyatın bütün sahələrində gənclərin fəal iştirakının təmin edildiyini vurğulayıb: “Ölkəmizdə gənc nəslin hərtərəfli inkişaf edərək sağlam, vətənpərvər gənclər kimi yetişməsi üçün geniş imkanlar yaradılıb. Azərbaycan Prezidenti İlham Əliyev tərəfindən uğurla davam etdirilən gənclər siyasəti nəticəsində həyatın bütün sahələrində gənclərin fəal iştirakı təmin edilib. Gənclərimiz Vətənə xidmət etməyi özlərinin ən şərəfli vəzifəsi hesab edirlər”.
Bölmənin digər xəbərləri
