Zelenski: Kiyev Aİ-yə daxil olmaq üçün danışıqlara mümkün qədər tez başlamaq istəyir
Bakı, 4 fevral, AZƏRTAC
Kiyevin məqsədi Avropa İttifaqına (Aİ) daxil olmaq üçün danışıqlara mümkün qədər tez başlamaqdır.
AZƏRTAC xəbər verir ki, bunu Ukraynanın dövlət başçısı Volodimir Zelenski bildirib.
Aİ-Ukrayna sammitindən sonra açıqlama verən Zelenski deyib: “Məqsədimiz tamamilə aydındır: Ukraynanın Avropa İttifaqına üzvlüyü ilə bağlı danışıqlara başlamaq. Biz Ukrayna ilə Aİ arasında yaxınlaşma işində bir gün belə itirməyəcəyik”.
Zelenski qeyd edib ki, Ukrayna sammitdə Avropa Komissiyasının tövsiyələrinin icrasında əldə olunan irəliləyişi təqdim edib. Sammitin birgə bəyanatında ilk dəfə rəsmi Kiyevin ittifaqa daxil olmaq üçün danışıqlara ən qısa zamanda başlamaq niyyəti qeyd olunub.
Bölmənin digər xəbərləri
