1 NÖMRƏLİ UŞAQ POLİKLİNİKASI ANTİSANİTARİYA ÜZÜNDƏN BAĞLANMIŞDIR

11.04.2006 [21:32]
Çap et
A⁺ A^-

Respublika Epidemiologiya və Gigiyena Mərkəzinin mütəxəssisləri 1 və 10 nömrəli şəhər uşaq poliklinikalarında yoxlamalar keçirmişlər. Səhiyyə Nazirliyinin mətbuat xidmətindən AZƏRTAC-ın müxbirinə bildirmişlər ki, yoxlamalar zamanı sanitariya normalarına riayət olunmaması ilə bağlı çoxlu fakt aşkar edilmişdir. Bununla əlaqədar 1 nömrəli poliklinika təmirə bağlanmışdır. Təmir başa çatanadək müəssisənin həkimləri yaxınlıqdakı səhiyyə obyektlərində işləyəcəklər. Uşaqlara isə 2 və 5 nömrəli poliklinikalarda xidmət göstəriləcəkdir.

10 nömrəli poliklinikada aparılan yoxlamadan sonra burada da tezliklə təmir işlərinə başlanması barədə tapşırıq verilmişdir.