2003-CÜ İLDƏ SƏHİYYƏ SİSTEMİNİN MALİYYƏLƏŞDİRİLMƏSİNİ ARTIRMAQ PLANLAŞDIRILIR
2003-cü ildə səhiyyə sisteminin maliyyələşdirilməsinə dövlət büdcəsindən təxminən 390 milyard manat ayırmaq nəzərdə tutulur. Bu, cari ildəkindən 11 faiz çoxdur. Büdcədən ayrılan vəsaitin 145 milyard manatı tibb işçilərinin əmək haqqı fonduna, təxminən 135 milyard manatı isə maddi-texniki bazanın möhkəmləndirilməsinə, tibb avadanlığı və dərman alınmasına yönəldiləcəkdir.
Bundan əlavə, respublikada səhiyyənin maliyyələşdirilməsi proqramına uyğun olaraq, stasionar müalicə müddətini qısaltmaq, çarpayıların sayını azaltmaq, habelə tibb müəssisələrini özünümaliyyələşdirməyə keçirmək nəzərdə tutulur. Səhiyyə Nazirliyinin mütəxəssisləri tibb müəssisələrində pullu xidmətlərin tənzimlənməsinə dair normativ-hüquqi aktlar hazırlayırlar. Bundan əlavə, əhalinin tibbi xidmətlərlə dövlət hesabına təmin ediləcək kateqoriyaları da müəyyənləşdirilir.
Bölmənin digər xəbərləri
