2005-Cİ İLDƏ İQTİSADİYYATA TƏXMİNƏN 500 MİLYON DOLLAR SƏRMAYƏ QOYULACAQ

17.10.2004 [02:50]
Çap et
A⁺ A^-

Gələn il dövlət büdcəsindən ölkə iqtisadiyyatına 650 milyard manat məbləğində sərmayə ayrılacağı gözlənilir. Dövlət təminatı ilə alınacaq kreditlər də nəzərə alınmaqla xarici maliyyə mənbələrindən daxil olan sərmayələrin ümumi həcmi bütövlükdə 500 milyon dollar təşkil edəcəkdir. Bu da 2004-cü illə müqayisədə təxminən 2 dəfə çoxdur.

İqtisadi inkişaf naziri Fərhad Əliyev AZƏRTAC-ın müxbirinə demişdir ki, 2004-2008-cilləri əhatə edən “Azərbaycan Respublikası regionlarının sosial-iqtisadi inkişafı Dövlət Proqramı”na uyğun olaraq ölkə iqtisadiyyatının inkişafına dövlət büdcəsindən ayrılan sərmayələrin həcmi hər il azı 20 faiz artacaqdır.

Kreditlər ən çox infrastruktur layihələrinə - yol və elektrik stansiyaları tikintisinə, elektrik xətləri çəkilməsinə, su təchizatına, irriqasiya və suvarma sistemlərinin yaradılmasına və digər sahələrə yönəldiləcəkdir. Eyni zamanda, kənd təsərrüfatında kiçik və orta sahibkarlığın inkişafına, habelə yoxsulluğun azaldılmasına qoyulan sərmayələrin həcmi də artacaq. Gələn ilin dövlət büdcəsindən kənd təsərrüfatı texnikasının alınmasına 100 milyard manat, kiçik və orta sahibkarlığın inkişafına isə əlavə 200 milyard manat vəsaitin ayrılması nəzərdə tutulmuşdur.

2005-Cİ İLDƏ İQTİSADİYYATA TƏXMİNƏN 500 MİLYON DOLLAR SƏRMAYƏ QOYULACAQ

MÜƏLLİFLƏ ƏLAQƏ

Bölmənin digər xəbərləri