Rusiyaya məxsus 2 qırıcı təyyarə və silah-sursat daşıyan avtomobil karvanı vurulub
Kiyev, 4 oktyabr, AZƏRTAC
Ukrayna Təhlükəsizlik Xidməti (UTX) Rusiyanın ərazisindəki "Xanskaya" hərbi aerodromuna hava hücumu təşkil edərək, 2 qırıcı təyyarəni və silah-sursat daşıyan avtomobil karvanını vurub.
Bu barədə AZƏRTAC UTX-yə istinadla xəbər verir.
Məlumata görə, UTX-nin "Alfa" Xüsusi Əməliyyatlar Mərkəzinin dronları cəbhə xəttindən təxminən 500 kilometr məsafədə yerləşən Rusiya hava bazasına zərbə endirib.
Bildirilir ki, bazada Su-35 çoxməqsədli qırıcı (təxminən 100 milyon dollar ixrac dəyəri ilə), Su-34 qırıcı-bombardmançı təyyarəsi (təxminən 50 milyon dollar ixrac dəyəri ilə) və silah-sursat daşıyan avtomobil karvanı vurulub.
Hər iki döyüş təyyarəsi Rusiya ordusunun Ukraynanın ön mövqelərini və cəbhə xətttində yerləşən şəhərlərini atəşə tutmaq üçün gündəlik istifadə etdiyi idarəolunan hava bombalarının əsas daşıyıcısıdır.
Bölmənin digər xəbərləri
