Yasamal rayonunun bəzi ərazilərində işıq olmayacaq
Bakı, 5 oktyabr, AZƏRTAC
Elektrik enerjisinin verilişində keyfiyyət göstəricilərinin artırılması və artan yük tələbatının qarşılanması məqsədilə oktyabrın 5-də Yasamal rayonundakı transformator məntəqəsində təmir işləri aparılacaq.
AZƏRTAC xəbər verir ki, təmir işləri ilə əlaqədar saat 10:00-dan 13:00-dək Abbas Mirzə Şərifzadə, Məhəmməd Xiyabani və Mirəli Seyidov küçələrində, həmçinin Yeni Yasamal-1 yaşayış massivinin bir hissəsində elektrik enerjisinin verilişində müvəqqəti məhdudiyyət tətbiq olunacaq.
Görüləcək işlər başa çatdıqdan sonra qeyd olunan ərazilərdə abonentlərin daha keyfiyyətli və dayanıqlı elektrik enerjisi ilə təmin olunması nəzərdə tutulur.
Bölmənin digər xəbərləri
