GAİM soydaşlarımızın ali məktəblərə hazırlıq proqramını davam etdirir
Tbilisi, 4 oktyabr, AZƏRTAC
Marneulidə fəaliyyət göstərən Gürcüstan Azərbaycanlılarının İnteqrasiya Mərkəzində (GAİM) “1+4 universitetə hazırlıq” proqramı çərçivəsində riyaziyyat fənni üzrə dərslər yüksək səviyyədə davam edir.
AZƏRTAC xəbər verir ki, dərslər 72 abituriyentin iştirakı ilə 4 qrupda həftənin II, IV və VI günləri saat 15:00-dan 19:00-dək keçirilir.
GAİM-in direktoru Məhəbbət İmanov bildirib ki, məqsəd soydaşlarımız olan gənclərin bilik və bacarıqlarını inkişaf etdirmək, onları ali təhsilə gedən yolda inamla dəstəkləməkdir.
Onun sözlərinə görə, keçən tədris ilində GAİM-də təhsil alan 73 nəfər Gürcüstanın ali məktəblərinə qəbul olunub. Onlardan biri olan Qurban Göyyusubov bu ölkə üzrə ən yüksək nəticə hesab edilən 75 balı toplayıb.
Xətayi Əzizov
AZƏRTAC-ın xüsusi müxbiri
Tbilisi
Bölmənin digər xəbərləri
