Naxçıvan şəhərində binaların istilik təchizatına noyabrın 1-də başlanılacaq
Naxçıvan, 30 oktyabr, AZƏRTAC
Naxçıvan şəhərində 2026–2027-ci illər üzrə istilik mövsümünə noyabrın 1-dən start veriləcək.
Naxçıvan Şəhər İcra Hakimiyyətindən AZƏRTAC-ın bölgə müxbirinə bildirilib ki, Azərbaycan Respublikası Nazirlər Kabinetinin müvafiq Qərarına əsasən, soyuq iqlim şəraiti nəzərə alınaraq ölkənin 26 şəhər və rayonunda istilik mövsümünün müddəti 2026-cı il noyabrın 1-dən 2027-ci il mayın 1-dək müəyyən edilib.
Bununla əlaqədar Naxçıvan Şəhər İcra Hakimiyyəti başçısının müvafiq Sərəncamına əsasən, noyabrın 1-dən şəhərdəki bütün fərdi və mərkəzləşdirilmiş qazanxanaların fəaliyyəti təmin olunacaq.
Beləliklə, müəyyən edilmiş tarixdən etibarən Naxçıvan şəhəri ərazisində istilik təchizatına başlanılacaq.
Müxbir - Nail Əsgərov
Bölmənin digər xəbərləri
