Qazaxıstanın Türküstan şəhəri 2027-ci ildə “İslam dünyasının mədəniyyət paytaxtı” olacaq

30.10.2026 [16:41]
Çap et
A⁺ A^-

Astana, 30 oktyabr, AZƏRTAC

Qazaxıstanın Türküstan şəhəri 2027-ci ildə “İslam dünyasının mədəniyyət paytaxtı” olacaq. Müvafiq qərar İslam Dünyası Təhsil, Elm və Mədəniyyət Təşkilatı (ICESCO) tərəfindən qəbul edilib.

AZƏRTAC-ın müxbiri “Kazinform” informasiya agentliyinə istinadla xəbər verir ki, bu barədə Qazaxıstan Prezidenti Kasım-Jomart Tokayev məlumat verib.

Təşəbbüs çərçivəsində türk xalqlarının mənəvi birliyinin və tarixi irsinin qorunmasına yönələn genişmiqyaslı mədəni tədbirlərin keçirilməsi planlaşdırılır. O cümlədən ədəbiyyat və dil məsələlərinə həsr olunan Xoca Əhməd Yəsəvi adına beynəlxalq forum, həmçinin türk və İslam dünyasının muzey işi üzrə mütəxəssislərinin görüşü təşkil ediləcək.

_{Elşən Rüstəmov}

_{AZƏRTAC-ın xüsusi müxbiri}

_Astana