2018-ci ilin yanvar-mart ayları üzrə sığorta bazarının göstəriciləri açıqlanıb
Bakı, 19 aprel, AZƏRTAC
2018-ci ilin yanvar-mart ayları ərzində ölkədə fəaliyyət göstərən 21 sığorta şirkəti tərəfindən 193.1 milyon manat məbləğində sığorta haqları toplanıb, 60.3 milyon manat məbləğində sığorta ödənişi aparılıb.
Maliyyə Bazarlarına Nəzarət Palatasından AZƏRTAC-a verilən məlumata görə, könüllü sığorta bazarı üzrə haqlar 157.1 milyon manat, ödənişlər isə 44.4 milyon manat təşkil edib. İcbari sığorta bazarı üzrə haqlar 36 milyon manat, ödənişlər isə 15.9 milyon manat olub.
2018-ci ilin yanvar-mart ayları ərzində sektor üzrə məcmu sığorta haqlarının 81faizi könüllü, 19 faizi isə icbari sığorta növlərinin payına düşmüşdür. Sığorta ödənişlərinin 74 faizi könüllü, 26 faizi isə icbari sığorta növləri hesabına formalaşıb.
2018-ci ilin yanvar-mart ayları ərzində sığorta şirkətləri və sinifləri üzrə hesablanmış sığorta haqları və ödənişlərə dair ətraflı məlumatlar sığorta bazarının icmal göstəricilərində öz əksini tapıb.
Bölmənin digər xəbərləri
