CƏMİYYƏT
35 saylı Xətai üçüncü seçki dairəsi dairə seçki komissiyasındakı treninqlərdə 225 nəfərin iştirakı nəzərdə tutulub
![](/files/galleryphoto/2024/1/1200x630/17055748681004628156_1200x630.jpg)
![](/files/galleryphoto/2024/1/1200x630/17055748682583941942_1200x630.jpg)
![](/files/galleryphoto/2024/1/1200x630/170557486828905658_1200x630.jpg)
![](/files/galleryphoto/2024/1/1200x630/1705586071420559772_1200x630.jpg)
![](/files/galleryphoto/2024/1/1200x630/17055780285683752207_1200x630.jpg)
Bakı, 18 yanvar, AZƏRTAC
Fevralın 7-nə təyin edilmiş növbədənkənar Azərbaycan Respublikası Prezidenti seçkiləri ilə əlaqədar yanvarın 18-də 35 saylı Xətai üçüncü seçki dairəsinin dairə seçki komissiyasında məntəqə seçki komissiyalarının sədr, katib və üzvləri üçün treninqlər keçirilir.
Yanvarın 22-dək davam edəcək təlimlər seçki komissiyaları üzvlərinin məlumatlılığını, peşəkarlığını artırmaq məqsədi daşıyır.
AZƏRTAC xəbər verir ki, gündə iki sessiya olaraq keçirilən treninqlərdə 41 məntəqədən 225 nəfərin iştirakı nəzərdə tutulub.
Məşğələləri Mərkəzi Seçki Komissiyasının (MSK) təlim kursunda iştirak edən Arif Əhmədov aparır.
MSK tərəfindən hazırlanmış slaydların və əyani vəsaitlərin köməyi ilə iştirakçılara səsvermə günü məntəqənin açılması, səsvermə ilə bağlı məlumatların verilməsi saatları, səsvermədə iştirak edən vətəndaşların barmağının mürəkkəblə işarələnməsi, səsvermə günü məntəqə seçki komissiyaları üzvlərinin rol və vəzifələri, səsvermə otağının təşkili qaydası, seçki günü müşahidəçilərin hüquqları, hansı halda seçicinin səsvermə hüququndan istifadə edə bilməyəcəyi, səslərin hesablanması və sair məlumatlar verilir.
Təlim iştirakçılarına bununla bağlı yaddaş kitabçası təqdim edilir.
Qeyd edək ki, treninqlər 33 saylı Xətai birinci, 34 saylı Xətai ikinci, 36 saylı Xətai - Suraxanı seçki dairələrinin dairə seçki komissiyalarında da təşkil olunur.
35 saylı Xətai üçüncü seçki dairəsinin dairə seçki komissiyasının üzvü Arif Əhmədov deyib ki, hazırda seçki dairəsi üzrə 50 min 395 seçici qeydə alınıb. Bir nəfər isə 100 yaşı keçmiş seçici olacaq. Dairə üzrə 41 daim məntəqə mövcuddur. Hərbi hissə və xəstəxanalarda yerləşəcək seçki gününə beş gün qalmış yaradılacaq məntəqələrin sayı isə 6-dır. Həmin məntəqələr fevralın 2-dək təşkil ediləcək.
Dairə seçki komissiyasının sədri Gülnarə Salmanova AZƏRTAC-a açıqlamasında seçkilərə hazırlıq proses barədə məlumat verib. Diqqətə çatdırıb ki, hazırlıq işləri uğurla davam edir. Məntəqələrdə seçkilərin demokratik şəraitdə keçirilməsi, komissiya üzvlərinin normal fəaliyyəti üçün lazımi şərait yaradılıb. Məntəqələr seçki kabinələri, təşviqat məlumatları, seçici siyahısı lövhələri, seçki qutuları, qeydiyyat dəftərləri, Seçki Məcəlləsi, prezident seçkiləri ilə bağlı təlimatlarla təmin olunub. Seçki məntəqələrinin 11-də veb-kamera quraşdırılıb.
“Hazırda dairənin əhatə etdiyi seçki məntəqələrinin sayı 41, seçicilərin sayı isə 50 min 395 nəfərdir. Seçkilərə beş gün qalmış təşkil olunacaq altı məntəqəmizdə seçicilərin sayının təxmini 4 min olacağı gözlənilir. Ümumiyyətlə, treninqlər yanvarın 17-də, 18-də, 19-da və 22-də olmaqla dörd gün keçiriləcək və 225 nəfər məntəqə üzvünün burada iştirakı planlaşdırılır.
Təlimlərdə əsasən seçki günü protokolları yazmaq və seçki ilə bağlı digər məsələlər barədə iştirakçılara məlumat veriləcək. Dairə seçki komissiyamızın üzvləri MSK tərəfindən təyin olunmuş təlimlərdə iştirak edərək proses haqqında məlumatlandırılıblar. Sonra biz də məntəqələrimizin üzvlərinə seçki prosesi barədə məlumat veririk”, - deyə Gülnarə Salmanova vurğulayıb.