“Sabah” basketbol klubu dünya çempionatının iştirakçısını transfer edib
Bakı, 2 iyul, AZƏRTAC
“Sabah” komandası heyətinə yeni basketbolçu qatıb.
Klubdan AZƏRTAC-a verilən məlumata görə, Latviya millisi ilə son dünya çempionatında 5-ci olan mərkəz oyunçusu Klavs Çavarsla 2 illik müqavilə imzalanıb.
2,08 metr boya malik 28 yaşlı basketbolçu son mövsümdə Yaponiyanın “Yokohama Eksellens” klubunda 50 oyuna çıxıb.
Qeyd edək ki, ötən mövsüm basketbol liqasının qalibi olan “Sabah” Azərbaycanı FIBA Çempionlar Liqasında təmsil edəcək.
Bölmənin digər xəbərləri
